Via Crucis de Vilar 2012
- Detalles
- Publicado: Viernes, 23 Marzo 2012 12:02
- Escrito por José Manuel
Logo duns anos de paréntesis, de novo volvemos facer a representación do Vía Crucis en Vilar, unha actividade relixiosa de Semana Santa que nos últimos anos xuntaba un número importante de persoas que acudían para participar na representación da Pasión de Cristo.
O percorrido da comezo á saída da aldea de Vilar (campo da festa). Dende aquí iremos facendo parada en cada unha das cruces colocadas a beira do camiño que representan as estacións da Pasión hasta un total de 14, e así chegar o monte do Castro Grande, na entrada do antigo poboado do celta e a carón da ermida de San Roque onde asemella ser o monte Calvario, onde foi Jesús crucificado
Un ano máis Xulio Pérez Pereiras un membro da Asociación "Fonte do Milagro" será o encargado de representar a figura de Jesucristo levando a cruz a costas polo "Camiño do Calvario". Tódalas persoas que desexen participar na lectura dos pasos ou estacións poden comunicalo o principio do recorrido, tamén poden acudir con roupa de época, candeas, ou velas.
O rematar a procesión, a organización ofrecerá uns aperitivos.
Temos que agradecer dende Asociación a boa disposición e colaboración por parte do Señor Cura Párroco de Vilamor para volver a recuperar este acto de Semana Santa.
Asociación Fonte do Milagro